محمدالسعيد المدير العام
عدد الرسائل : 123 الموقع : www.shabab-alsaeed.blog2009.com العمل/الترفيه : مدير وصاحب املاك خاصة المزاج : في العلالي وطايح في العسل تاريخ التسجيل : 05/07/2008
| موضوع: تسأليني ليه ساكت الإثنين يوليو 07, 2008 7:29 am | |
|
تسأليني ليه ساكت ليه توهك السكوت
تسأليني ليه صارت قصتي مثل الحكايه
تسأليني ليه اكابر واحبس انفاسي واموت
تسأليني عن قضيه مالها عندي نهايه
والجواب اصعب ولكن.مات فيني كل صوت
كلما سطرت صفحه تنتهي قبل البدايه
انتظر لحظه وموعد لكن الموعد يفوت
واطوي الصفحه ولكن تنكتب فيني روايه
تدري ان الجرح ارهف من خيوط العنكبوت
لكن الآمه كبيره والحكي ماهو كفايه
تسأليني ليه تغرق في بحر صمتي يخوت
واصبحت كل المراسي ضايعه من دون غايه
تدري ان الصدر ديره والقلوب مثل البيوت
لو حكينا ايش فيها تعتبر اكبر جنايه
الجروح فيها هدايا والالم في الجرح قوت
لين صارت شي عادي في حياتي اوهوايه
جرحي اكبر من سكوتي والسكوت يبقى سكوت
والألم لو بوصفه لك صعب الاقي له نهايه
تحياتي المدير العام محمد السعيد | |
|